روح ماتت فيني من ضنى الأمس

0
176

يمر الوقت في غيابك وفي غيابي
توقفت سنين العمر على هدابك وعلى هدابي
ينتحر فيني زمان الصبر .. حبر مات بمدواتي

يمكن تبخر .. يمكن يبس .. يمكن سافر مع سنين العمر
تنهاد الصبح دمعه غرقها المطر وفيه تلاشت
سنين عجاف وشجن ولون قاتم يبكي الأمس
يرحل العمر بين المشاعر والزمن يتلبد

بليدة المشاعر رغم أنف العشق الأعرج
مشتني على عكاز صادي ومتعثر
شظايا ورد متهالك ومتبعثر على دفتر طواه الحبس
غرشة عطر خالية فارق أنفاسها ريحة أنفاسه

بعدك يازمن قاسي تسقيني مرار الوقت
وتكتبني على كتف الجمل وتزيد محناتي
تحبس فيني النشوة عناد وقهر
أنا الظالم .. أنا المظلوم
أنا السجان .. أنا المسجون

كذا سار الوقت ف غيابي حكي ينقال وينعاد
هذاك الميت .. يأشر علي كل من مر
أنا حي بس ميته فيني المشاعر من جفى الجافي
جسد يرقد على طريق التراب اليبس

عمر فاني .. محدود يطوي أوراقي
سافر في زمن النسيان ونسى أمسي وجاني أمس
صحى كل شيء كتبته .. قرأته .. دفنته بكتابي
خلاص أنا ميت إذا جاي تعزيني عن حب الأمس
حتى أشواقي رماد نثرته وطار بحداقي
دفنت قلبي .. طمرت جسدي .. وأدت أنفاسي
روح ماتت فيني من ضنى الأمس

يعقوب بن راشد بن سالم السعدي